યુવા-સ્વર-૧૦

૧. હું સાહિત્ય સર્જન વડે મારી લાગણી અને વિચારોને વધુ સારી રીતે વ્યક્ત કરી શકું છું , જે વિચાર હું બોલી ને વ્યક્ત ન કરી શકું તેને લખી ને વ્યક્ત કરવા માટે સર્જન કરું છું.

૨. આમ તો કવિતાની કોઈ વ્યાખ્યા આપી શકું એટલી વિદ્વાન નથી પરંતુ મારા માટે 'શબ્દની સરિતા એટલે કવિતા’.. બાળકથી લઈને વૃદ્ધ - દરેક ને ગમે તે વાર્તા. સામાન્ય જન જીવનમાંથી કોઈ એક વિષય વસ્તુની પસંદગી કરી તે વિષયમાં રહેલી લાગણી ને અનુભવી કાગળ પર ઉતારવી એટલે વાર્તા. માણસમાં રહેલી લાગણીઓ અને સંવેદનાઓનો પડઘો એટલે વાર્તા..
સામાન્ય અર્થમાં જેને કોઈ બંધન ન હોય તેવું લખાણ એટલે નિબંધ, સ્પષ્ટ અભિવ્યક્તિ, મંતવ્ય અને ઉપસંહાર એટલે નિબંધ.
વિવિધ કલાનો સમન્વય એટલે નાટક, સમાજ અને જીવનનું દર્પણ એટલે નાટક..

૩. મને ગદ્યમાં લખવું વધુ ગમે છે . જેમાં હું વાર્તા અને લેખ લખી શકું. આજકાલ જાહેરજીવનમાં મેં ઘણાં લાગણીસભર દૃશ્યો જોયાં છે જેમ કે, શ્રમિકોની હૃદયદ્રાવક પરિસ્થિતિ, મધ્યમ વર્ગની પરિસ્થતિ , ખરા અર્થમાં સ્ત્રી સશક્તિકરણ, શિક્ષણનું સ્થાન, રોજબરોજના જીવન પર આધારિત લખાણ તેમજ ઘણાં સામાજિક દુષણો તે વિષયો ઉપર હું સારી રીતે લખી શકું તેવી પરિસ્થિતિ આપણી ‘આજ’ સર્જે છે.

૪. સાચું કહું તો મેં ખાસ કંઇ વાંચ્યું નથી.. પણ, નાનાભાઈ ભટ્ટ નું સર્જન ' મહાભારત ના પાત્રો ' હૃદય ની નજીક છે.

૫. અત્યાર સુધીમાં મેં ખૂબ ઓછા પુસ્તકો વાંચ્યા છે. પણ જે વાંચ્યા છે. તેમાંથી ' 7 habits of highly effective people ' by Stephen Covey તેમજ ' The secret ' by Rhonda Byrne - એ મને ખાસ પ્રભાવિત કરી છે.

૬.. મને મહદ અંશે જાણકારી છે. હજી હું માત્ર પથ્થર છું, ઘસાવા અને ઘડાવા માટે મારે હજી ખૂબ મહેનત કરવાની છે અને ઘણું જાણવાનું છે.

૭. કવિતા તેમજ વાર્તા લખતી વખતે હું , જે વિષય ને ધ્યાન માં રાખીને લખતી હોઉં તેમાંથી કોઈ પાત્રને આદર્શ તરીકે સામે રાખું છું હું તે પાત્રને મારા મનમાં જીવંત કરું છું.

૮. મારી મમ્મીને. કેમ કે તે મારી સાચી સલાહકાર, મિત્ર અને પ્રેરણાસ્રોત છે.

૯. મને નવું નવું જાણવું ખૂબ ગમે છે, પણ સાહિત્ય સર્જનની પ્રક્રિયા સાંભળવા/સમજવા માટેનો મંચ મને મળ્યો નથી અથવા તો મને તેના વિષે ખ્યાલ નથી.

૧૦. અત્યારે હું મારા ભણવાની સાથે સાથે સવારે ધ્યાન કરું છું, લેખ તેમજ વાર્તા લખું છું અને તેને વધુ સારી રીતે મઠારવા પ્રયત્ન કરું છું તેમજ છેલ્લા ૪ મહિનાથી યુ.પી.એસ.સી ની તૈયારી કરી રહી છું.